გურამ დოჩანაშვილს დღეს დაკრძალავენ. ქართველი მწერლის ცხედარი სამების ტაძარში გუშინ დაასვენეს, სადაც დღის განმავლობაში სამოქალაქო პანაშვიდი გაიმართება.
მწერალს, მისივე სურვილით, საბურთალოს სასაფლაოზე, შვილის გვერდით დაკრძალავენ.
გურამ დოჩანაშვილი 3 აპრილს გარდაიცვალა. სიკვდილამდე რამდენიმე დღით ადრე ის "ნიუ ჰოსპიტალში" იყო მოთავსებული.
გურამ დოჩანაშვილი 1939 წლის 26 მარტს ქ. თბილისში დაიბადა. გურამ დოჩანაშვილის გამორჩეული ნაწარმოებებია - „სამოსელი პირველი“, „კაცი, რომელსაც ლიტერატურა ძლიერ უყვარდა“, „ვატერ(პო)ლოო ანუ აღდგენითი სამუშაოები“, "თავფარავნელი ჭაბუკი", "ლოდი ნასაყდრალი" .
