რა თქმა უნდა, საქართველოში კვლავ დავბრუნდები, ეს უპირობოა - ამბობს რუსი ჟურნალისტი ვლადიმერ პოზნერი, რომელიც დაბადების დღის აღსანიშნავად 50 თანხლებ პირთან ერთად გასულ კვირას თბილისს ეწვია, მაგრამ სამოქალაქო პროტესტის გამო იძულებული გახდა საქართველო დაეტოვებინა.
პოზნერის თქმით, საქართველოში მისი ვიზიტი ოპოზიციამ სათავისოდ გამოიყენა.
როგორც მე მესმის, საქართველოში სასოწარკვეთილი პოლიტიკური ბრძოლა მიმდინარეობს და ოპოზიციამ გამოიყენა ჩემი ვიზიტი და მოაწყო, არც ვიცი რა დავარქვა... გაიხსენეს ჩემი 3 წლის წინანდელი გამონათქვამი აფხაზეთის შესახებ, რათა ხმა მოეწვდინათ ჩვენთვის ავტობუსზე კვერცხის დაშენით - როგორც ჩანს, ქათმის კვერცხები მათ საკმარისად აქვთ...
მივიღე გადაწყვეტილება, რომ წამოვსულიყავით, რატომ უნდა ჩამეგდო საფრთხეში მეგობრები? დავბრუნდით მოსკოვში და სრულიად მშვენივრად აღვნიშნეთ დაბადების დღე. თბილისის ეს გამოცდილება ძალიან დაგვეხმარა, რაც არ უნდა უცნაურად მოგეჩვენოთ. არავითარი წყენა საქართველოზე და ქართველებზე არ მაქვს, ამასთან, მე საპატიო კახელიც ვარ და მე, რა თქმა უნდა, კიდევ ჩავალ საქართველოში - ეს უპირობოა - ისეთი კვერცხის სროლის მოყვარულები, განსაკუთრებით, თუკი ამისთვის ფულს გიხდიან, ყველა ქვეყანაში არსებობენ და როგორც უკვე ვწერდი, ისინი ყურადღებას არ იმსახურებენ", - წერს პოზნერი.
