„ვიმედოვნებ, რომ ჩაკეტვის გზას ამ ეტაპზე არ მივმართავთ და შევძლებთ ვმართოთ ინფექცია ისე, რომ გლობალური ჩაკეტვები არ დაგვჭირდეს“, - განაცხადა ჯანდაცვის მინისტრმა ეკატერინე ტიკარაძე ტელეკომპანია რუსთავი 2-ის ეთერში სტუმრობისას.
მინისტრის თქმით, წელსაც მოკრძალებულად მოგვიწევს აღდგომის ბრწყინვალე დღესასწაულის აღნიშვნა. თუმცა კონკრეტული რეგულაციები, ასეთის არსებობის შემთხვევაში, დაახლოებით ერთ კვირით გახდება ცნობილი.
"დღეს ცოტა ადრეა მსჯელობა, თუ რა იქნება სააღდგომოდ, ვინაიდან ამ ეტაპისთვის ჩვენი მხრიდან მიმდინარეობს აქტიური მუშაობა. თუმცა ინფექციის ზრდა ფიქსირდება და ალბათ, დაახლოებით ერთი კვირით ადრე აღდგომის პერიოდამდე, გვექნება ზუსტი ინფორმაცია, თუ რა იქნება გეგმა დღესასწაულებთან მიმართებაში", – განაცხადა ტიკარაძემ.
