მინიმუმამდე არის დასული პირბადეების ტარება, რაც პირდაპირ პროპორციულად აისახება ინფექციის გავრცელებაზე, აცხადებს რუსთავი 2-თან ჯანდაცვის მინისტრი.
ეკატერინე ტიკარაძის განმარტებით, ძალიან მოკლე დროში დაგვავიწყდა ის რთულად გამოვლილი მეორე ტალღა, რომელიც შემოდგომაზე გვქონდა.
"სამწუხაროდ, ჩვენ ვაკვირდებით, რომ არანაირი სოციალური დისტანცია არ გაგვაჩნია. ძალიან მოკლე დროში დაგვავიწყდა ჩვენ ის რთულად გამოვლილი მეორე ტალღა, რომელიც შემოდგომაზე გვქონდა.
ასევე, მინიმუმამდე არის დასული პირბადეების ტარება, რაც პირდაპირ პროპორციულად აისახება ინფექციის გავრცელებაზე. დღეს ინფექციის გავრცელების კოეფიციენტი უკვე ერთს აღემატება, რაც თავისთავად მიუთითებს იმას, რომ შეიძლება ძალიან მალე ჩვენ აღმოვჩნდეთ აღმავალ ფაზაში, რომელიც შეიძლება იქნეს წოდებული როგორც ინფექციის გავრცელების მესამე ტალღა," - განაცხადა ეკატერინე ტიკარაძემ.
