ბედნიერების მსოფლიო ინდექსის ანგარიშში (World Happiness Report) საქართველო 149 ქვეყანას შორის 108-ე ადგილზეა.
ამ მონაცემებით, საქართველო ჩამორჩება რეგიონის ისეთ ქვეყნებს, როგორებიცაა რუსეთი (76-ე ადგილი), სომხეთი (86-ე ადგილი), აზერბაიჯანი (90-ე ადგილი) და თურქეთი (104-ე ადგილი), თუმცა წინ უსწრებს უკრაინას, რომელიც ბედნიერების მსოფლიო ინდექსში 110-ე ადგილს იკავებს.
World Happiness Report-ის რეიტინგს გაეროს დაკვეთით 2012 წლიდან ადგენენ. კვლევა აფასებს ქვეყნების მოსახლეობის სიცოცხლის ხანგრძლივობის, სოციალური მხარდაჭერის, კორუფციის დონის, ერთ სულ მოსახლეზე მთლიანი შდა პროდუქტის და სხვა კრიტერიუმების მიხედვით.
ბედნიერების მსოფლიო ინდექსს უკვე მეოთხე წელია ფინეთი ლიდერობს. რეიტინგის ათეული შემდეგნაირად გადანაწილდა:
ფინეთი
დანია
შვეიცარია
ისლანდია
ნიდერლანდები
ნორვეგია
შვედეთი
ლუქსემბურგი
ახალი ზელანდია
ავსტრია
