ეგზიტპოლების თანახმად, ნიდერლანდების საპარლამენტო არჩევნებში მოქმედი პრემიერ-მინისტრის მარკ რუტეს პარტა იმარჯვებს.
გამარჯვების შემთხვევაში, ეს იქნება მარკ რუტეს მემარჯვენე-ცენტრისტული "თავისუფლებისა და დემოკრატიის სახალხო პარტიის" მეოთხე ვადა ხელისუფლებაში ყოფნისა.
წინასწარი მონაცემებით, 150-ადგილიან პარლამენტში მმართველი პარტია 36 მანდატს მოიპოვებს. მას მოსდევს მმართველ კოალიაციაში შემავალი მემარცხენე-ცენტრისტული პარტია "დემოკრატია-66", რომელიც 27 ადგილს დასჯერდება.
ოფიციალური მონაცემები უახლოეს საათებში გამოქვეყნდება.
ამომრჩეველთა აქტივობამ 82.6% შეადგინა.
იანვარში მარკ რუტეს მთავრობა სოციალური შემწეობის გაცემასთან დაკავშირებული სკანდალის გამო გადადგა. საუბარია ნიდერლანდების სახელმწიფო საგადასახადო ადმინისტრაციის გადაწყვეტილებაზე, რომელმაც ათასობით ოჯახი შეცდომით დაადანაშაულა იმაში, რომ ისინი უკანონდ იღებდნენ ბავშვებისთვის განკუთვნილ დახმარებას.
გადადგომის შემდეგ, ვიდრე ვადამდელი საპარლამენტო არჩევნების გამართვამდე, რუტეს მინისტრთა კაბინეტი ტექნიკურ მთავრობად ითვლებოდა.