თავს ვგრძნობ გადასარევად - განაცხადა დაავადებათა კონტროლისა და საზოგადოებრივი ჯანმრთელობის ეროვნული ცენტრის დირექტორის მოადგილემ პაატა იმნაძემ კორონავირუსი საწინააღმდეგო ვაქცინაციის შემდეგ.
პაატა იმნაძე პირველია, რომელიც საქართველოში ასტრაზენეკას მიერ წარმოებული ვაქცინით აიცრა.
"იმდენ რაღაცაზე ავცრილვარ საჩვენებლად, ჯერ კიდევ 90 წლების შუაში, როცა საქართველოში დიფტერიის ეპიდემია იყო, მახსოვს, ორჯერ მომიწია სხვადასხვა ადგილებში ასე საჩვენებლად აცრა.
ჩვენ ვებგვერდზე ვაქცინაციასთან დაკავშირებით ყველანაირი ინფორმაციაა, დანარჩენი უკვე მასმედიაზეა. ძალიან გთხოვთ, გამოიყენოთ ყველა ის მასალა, რაც არის ჩვენ ვებგვერდზე იმისთვის, რომ ადამიანებმა კიდევ ერთხელ ირწმუნონ იმისი, რომ ვაქცინის გარეშე ამ დაავადებას ვერ დავძლევთ.
ვერ ვიტყვი, რომ აქტივობა დაბალია. ამ ორ დღეში პირველი სამი დღე იყო სარეგისტრაციო სააცრო დღეები, დარეგისტრირდა 2000 ექიმი. ვერ ვიტყოდი, რომ ეს მაჩვენებელი განგაშის საფუძველს იძლევა", - განაცხადა აპაატა იმნაძემ.
პაატა იმნაძე, კიდევ ერთხელ მოუწოდა კოლეგებს ვაქცინაციისაკენ და განაცხადა, რომ ვაქცინაციის გარეშე ვირუსის დამარცხება შეუძლებელია.
საქართველოში დღეს დაიწყო ვაქცინაციის პროცესი. პირველ ეტაპზე სამედიცინო სფეროს წარმომადგენელთა ვაქცინაცია მიმდინარეობს.
ფოტო: NCDC
