თუ საჭიროება მოითხოვს, რომ ჩვენი მოქალაქეების მოტივაცია გაიზარდოს, ვაქცინას დროზე ადრე გავიკეთებ, - ამის შესახებ საქართველოს ჯანდაცვის მინისტრმა, ეკატერინე ტიკარაძემ "იმედის კვირასთან" ინტერვიუში განაცხადა.
"მე როდესაც ვაქცინაციის პროგრამის მიხედვით მეკუთვნის მაშინ გავიკეთებ ვაქცინას. თუმცა თუ საჭიროება მოითხოვს, რომ ჩვენი მოქალაქეების მოტივაცია გაიზარდოს, რომ ვაქცინაცია მნიშვნელოვანია და უნდა გავიკეთოთ, რა თქმა უნდა, გავიკეთებ დროზე ადრე", - განაცხადა ტიკარაძემ.
ეკატერინე ტიკარაძემ კიდევ ერთხელ აღნიშნა, რომ საქართველოში შემოსული AstraZeneca-ს ვაქცინის ხარისხი არანაირ კითხვას არ იწვევს და სამხრეთ კორეაში წარმოებული პრეპარატი საფრთხეს არ წარმოადგენს.
საქართველოში კორონავირუსის საწინააღმდეგო იმუნიზაციის პროგრამა ხვალ იწყება.
