საქართველოს ენერგეტიკისა და წყალმომარაგების მარეგულირებელი ეროვნული კომისიის თავმჯდომარე დავით ნარმანია „ენგურჰესის“ ჰიდროელექტროსადგურზე მიმდინარე სარეაბილიტაციო სამუშაოებს გაეცნო.
დავით ნარმანიასთან ერთად საქართველოს ეკონომიკისა და მდგრადი განვითარების მინისტრის მოადგილე დავით თვალაბეიშვილმა, „საქართველოს სახელმწიფო ელექტროსისტემის" მმართველთა საბჭოს თავმჯდომარე უჩა უჩანეიშვილმა და ელექტროენერგეტიკული ბაზრის ოპერატორის ხელმძღვანელმა ზაზა დვალიშვილმა დაათვალიერეს თაღოვანი კაშხალი და სადერივაციო გვირაბი, შეაფასეს რეაბილიტაციის პროცესი და სამუშაოების მოცულობა.
აქართველოში ელექტროენერგიის ყველაზე მსხვილმა მწარმოებელმა „ენგურჰესმა" 20 იანვარს სადერივაციო გვირაბში დაგეგმილი გეგმიური სარეაბილიტაციო სამუშაოების გამო 3 თვით შეწყვიტა მუშაობა.
სამუშაოები 10-12 წელიწადში ერთხელ ხორციელდება და მას დიდი მნიშვნელობა აქვს ქვეყნის სტაბილური და საიმედო ენერგომომარაგებისთვის.
