საგარეჯოს რაიონის სოფელ კრასნაგორკაში ცხვრის ფერმას მგლები დაესხნენ და 50 ცხვარი დაგლიჯეს.
როგორც კრასნაგორკის ტერიტორიული ორგანოს რწმუნებული გივი ლალიაშვილი აცხადებს, სოფელში ეს მტაცებლების თავდასხმის პირველი შემთხვევა არ არის.
„მგლებმა ცხვარს ყელი გამოღადრეს. მანამდეც იყო რამდენიმე ასეთი შემთხვევა და რაიონის გამგეობა საქმის კურსში ჩავაყენეთ. გამგეობამ სოფლის მონადირეებს მტაცებლებისგან დასაცავად ტყვია-წამალი დაურიგა. ამჯერად არა მგონია, რაიონის ხელმძღვანელობამ დახმარება გაუწიოთ, რადგან ეს ფერმა კერძო პირს ეკუთვნის და მან თავისი ქონება თავად უნდა დაიცვას მტაცებლებისგან", - აღნიშნა გივი ლალიაშვილმა კახეთის საინფორმაციო ცენტრთან საუბარში.
