საქართველოში 64 უმაღლესი საგანმანათლებლო დაწესებულება ფუნქციონირებს, რომელთაგან 39 თბილისშია. „საქსტატის“ მონაცემების მიხდვით, საქართველოში არსებულ 64 უმაღლეს საგანმანათლებლო დაწესებულებიდან 19 სახელმწიფოა და 45 - კერძო.
„წინა წლის ანალოგიურ მაჩვენებელთან შედარებით, დაწესებულებათა რაოდენობა 2 ერთეულით გაიზარდა. უმაღლესი საგანმანათლებლო დაწესებულებების 60.9% ქალაქ თბილისშია“, - იტყობინება „საქსტატი“.
მთლიანობაში 64 უმაღლესი საგანმანათლებლო დაწესებულებაში 157.3 ათასი სტუდენტი სწავლობს. აქედან, 63.9% სწავლობს სახელმწიფო უმაღლეს საგანმანათლებლო დაწესებულებებში, ხოლო კერძოში - 36.1%. სტუდენტთა საერთო რიცხოვნობიდან 50.9% ქალია, ხოლო 49.1% - კაცი.