საქართველოს უმაღლეს საგანმანათლებლო დაწესებულებებში სტუდენტთა რიცხოვნობამ 157.3 ათასი შეადგინა, რაც წინა სასწავლო წელთან შედარებით 5.7%-ით მეტია. ინფორმაციას „საქსტატი“ აქვეყნებს.

სტუდენტთა საერთო რიცხოვნობიდან 63.9% სწავლობს სახელმწიფო უმაღლეს საგანმანათლებლო დაწესებულებებში, ხოლო  კერძოში - 36.1%.

ამავე სტატისტიკის მიხედვით, სტუდენტთა საერთო რიცხოვნობიდან 50.9% ქალია, ხოლო 49.1% - კაცი.

2020-2021 სასწავლო წლის დასაწყისისთვის, საქართველოს უმაღლეს საგანმანათლებლო დაწესებულებებში ჩაირიცხა 46.7 ათასი სტუდენტი, აქედან, 29.3 ათასი სახელმწიფო უნივერსიტეტებში, ხოლო კერძო უნივერსიტეტებში - 17.4 ათასი.

2020-2021 სასწავლო წლის დასაწყისისთვის, საქართველოში 64 უმაღლესი საგანმანათლებლო დაწესებულება ფუნქციონირებდა. აქედან 19 სახელმწიფო და 45 კერძო. წინა წლის ანალოგიურ მაჩვენებელთან შედარებით, დაწესებულებათა რაოდენობა 2 ერთეულით გაიზარდა. უმაღლესი საგანმანათლებლო დაწესებულებების 60.9% ქალაქ თბილისშია.