პანკისის ხეობაში 20 კილომეტრიანი გზის მონაკვეთის მშენებლობა დასრულებულია. ახალი გზა უმრავლესობის ლიდერმა პეტრე ცისკარიშვილმა მოინახულა.
ცისკარიშვილმა დაათვალიერა, ასევე, ახმეტის რაიონის სოფელ ალვანში კომპანია "სოკარ ჯორჯიას" გენერალურ დირექტორთან ერთად გაზგაყვანილობის სამუშაოები.
"როგორც ხედავთ იერსახე არ იცვლება, რადგან ჰაერში არ არის გამოკიდებული გაზის მილები. მიწის ქვეშ არის გაყვანილი ტექნოლოგია. ეს ბევრად უფრო გამძლე და საიმედოა. ძალიან მოხარულები ვართ, რომ "სოკარი" გადავიდა ახალ ტექნოლოგიებზე და მოსახლეობის გაზიფიცირება ამ ტიპით კეთდება". - განაცხადა ცისკარიშვილმა ალვანში ვიზიტისას.
საქართველოში პირველად სისტემის განლაგება მიწის ქვეშ ხდება. კომპანია "სოკარი" სამი წლის გამავლობაში 150 000 აბონენტის გაზიფიცირებას გეგმავს.
