ვისოლის გაზის სადისტრიბუციო კომპანიის ძალისხმევით იყალთოს 1000-მდე ოჯახს საშუალება ექნება ბუნებრივი გაზით ისარგებლოს.
დღეს, ვისოლის წარმომადგენლებმა იყალთოში გაზიფიცირების პროცესის მიმდინარეონის შესახებ ინფორმაციას მიაწოდეს ჟურნალისტებსა და ადგილობრივი ხელისუფლების წარმომადგენლებს.
"თელავის რაიონის 80 % გაზიფიცირება უკვე დასრულებულია და დარჩენილი 20 % ის გაზიფიცირებაც 2012 წლის ბოლომდე დასრულდება", _ ამის შესახებ განცხადებას "ვისოლი-გაზში" აკეთებენ.
კომპანიის ინფორმაციით, არსებული აბონენტების გაზიფიცირებისათვის 300 ათასი ლარის ინვესტიციაა განხორციელებული. რა მოცულობის ინვესტიციას განახორციელებს კომპანია 2012 წლისთვის ანუ თელავის რაიონის 100 % გაზიფიცირებისათვის ამას კომპანიაში ამ ეტაპზე ვერ აკონკრეტებენ.
სოფელ იყალთოს გაზიფიცირებისათვის "ვისოლი-გაზის" სადისტრიბუციო კომპანია 60 ათასი ლარის ინვესტიცია განახორციელა. თითოეულ აბონენტს გაზის ოჯახში მიყვანა დაახლოებით 270 ლარი უჯდება.
იყალთოს მოსახლეობას, რომელსაც ბუნებრივი გაზი არასოდეს ჰქონია, საშუალება ექნებათ ზამთარს მომზადებულნი შეხვდნენ და ეკონომიური გაზით ისარგებლონ. თუ აქამდე მოსახლეობას ყოველთვიურად გაზით მომარაგება 50 ლარამდე უჯდებოდა, მათი განცხადებით, ეს ხარჯი 25 ლარამდე შემცირდა.
