სომხეთის პრემიერ-მინისტრმა, ნიკოლ ფაშინიანმა შეიარაღებული ძალების გენერალური შტაბის ხელმძღვანელი, გენერალ-პოლკოვნიკი ონიკ გასპარიანი თანამდებობიდან გაათავისუფლა.
"დღეს მე მივიღე გადაწყვეტილება გენერალური შტაბის უფროსის და მისი პირველი მოადგილის თანამდებობიდან გათავისუფლების შესახებ. თავდაცვის მინისტრი უკვე ამზადებს შესაბამის გადაწყვეტილებას გენერალური შტაბის ახალი უფროსის და მისი მოადგილეების დანიშვნის შესახებ", - განაცხადა ფაშინიანმა.
მანამდე სომხეთის რესპუბლიკის შეიარაღებული ძალების გენერალურმა შტაბმა განცხადება გაავრცელა, რომელშიც გენერალური შტაბი მოითხოვს პრემიერ-მინისტრისა და მთავრობის გადადგომას.
ფაშინიანმა გენერალური შტაბის უფროსის განცხადება პრემიერ-მინისტრის გადადგომის შესახებ სამხედრო გადატრიალების მცდელობად შეაფასა და მომხრეებს რესპუბლიკის მოედანზე შეკრებისკენ მოუწოდა.