საკრებულოს ფრაქცია "ჩვენი თბილისის" თავმჯდომარე დავით საგანელიძე სემეკს მომხმარებელთა ინტერესების დაუცველობაში ადანაშაულებს.
საკრებულოს ოპოზიციონერმა დეპუტატებმა საკრებულოს სხდომაზე ნოემბრიდან დაგეგმილი კომუნალური გადასახადების გადახდის ახალი წესის შემოღება გააპროტესტეს. მათი განმარტებით, გაუგებარია, კომუნალური გადასახადების გადახდის ახალი წესი თბილისის საკრებულოში მსჯელობის გარეშე რატომ დამტკიცდა.
საგანელიძე განმარტავს, რომ მარეგულირებელი კომისია მომხმარებელთა ინტერესებს უნდა იცავდეს. საგანელიძემ საკრებულოს წევრებს მიმართა, თბილისისთვის კომუნალური გადასახადების გადახდის ახალი წესის შემოღება ეკონომიკური კომისიის სხდომაზე განიხილონ და ეს საკითხი უყურადღებოდ არ დატოვონ, რათა არ მოხდეს ამ მეთოდის საქართველოს სხვა ქალაქებზე გავრცელება.
ოპოზიციისთვის კომუნალური გადასახადების გადახდის ახალ პრინციპზე სამი კომპანიის შეთანხმება გაუგებარია. ისინი ფიქრობენ, რომ ეს ხელისუფლების ზეწოლის შედეგად მოხდა.
