პარტია "გირჩის" წევრი იაგო ხვიჩია "დღის კურიერის" ეთერში აცხადებს, რომ ახლა ქვეყანაში ბრძოლა ხელისუფლების ხელში ჩასაგდებად მიდის.
"სამართლებლივი მექანიზმი სულ არსებობდა იმისთვის, რომ ნიკა მელიას საქმე აქამდე არ მისულიყო. უბრალოდ, საქმე იმაშია, რომ ხელისუფლებამ პირიქითა სამართლებლივი მექანიზმი გამოიყენა. მას უნდა, რომ "ნაციონალური მოძრაობა" გაანადგუროს ნიკა მელიას დაჭერით და სინამდვილეში, ამით აძლიერებს გუნდს და თამაშობს მიხეილ სააკაშვილის თამაშს.
ახლა ბრძოლა მიდის ხელისუფლების ხელში ჩასაგდებად ყოველგვარი იდეის გარეშე, ამას ხედავენ ჩვენი პარტნიორები, მათ ძალიან ზუსტად იციან, რომ ამ ქვეყანაში არ არსებობს იდეა, რის გამოც იბრძვიან აქ, იბრძვიან ტახტის ხელში ჩასაგდებად.
პარტია "გირჩი" არის შერიგების მხარეს და გვჯერა, რომ ეს არის ერთადერთი გზა. ესენი აუცილებლად შერიგდებიან, უბრალოდ გააჩნია, როგორ შერიგდებიან,"-აღნიშნა იაგო ხვიჩიამ.
