მცირე და საშუალო ბიზნეს ყოველთვის სჭირდება დახმარება პარტნიორების მოძიებაში, საერთაშორისო ბაზრებზე გასვლაში და სხვა, - აცხადებს ბულგარეთში საქართველოს ელჩი თამარ ლილუაშვილი.
COVID-პანდემიის პერიოდში კი კომპანიის წარმომადგენლებს კომუნიკაციის საშუალება ონლაინ შეხვედრებით ეძლევათ, რომელიც ბოლო თვეებში საკმაოდ აქტიური კომუნიკაციის საშუალება გახდა.
"პანდემიის პერიოდში ონლაინ შეხვედრები ბიზნესებს დიდ შესაძლებლობას აძლევს ერთმანეთთან კონტაქტები დაამყარონ. ჩვენ მზად ვართ მათ დავეხმაროთ. ბულგარეთს შეუძლია ისარგებლოს იმ სავაჭრო რეჟიმებით, რომელსაც საქართველო ფლობს", აცხადებს თამარ ლილუაშვილი.
როგორც ცნობილია, ბულგარეთში საქართველოს საელჩოს მიერ ორგანიზებული ვირტუალური ღონისძიება გაიმართა, რომელშიც მონაწილეობა ბულგარეთისა და საქართველოს სავაჭრო-სამრეწველო პალატებმა მიიღეს.
შეხვედრის ფარგლებში მხარეებმა ერთმანეთს პანდემიის წინააღმდეგ ბრძოლის საკუთარი გამოცდილებები გაუზიარეს და ეკონომიკური თანამშრომლობის სამომავლო გეგმები განიხილეს.
"ჩვენ მხოლოდ შავი ზღვა გვაშორებს და პოტენციალი დიდია. პანდემიის პერიოდში, ბიზნესების ამ ფორმით დაკავშირება ხელს შეუწყობს სამომავლო განვითარებას, ახალ ბიზნეს იდეებს. დაინტერესებულ სუბიექტებს საელჩო მივაწვდით ინფორმაციას შესაძლო პროექტების შესახებ", - აცხადებს ბულგარეთში საქართველოს სრულუფლებიანი ელჩი თამარ ლილუაშვილი
