სასტუმრო „ძველ მეტეხში" „ევროპის ქრისტიან პოლიტიკოსთა ახალგაზრდული კავშირის" (ecpyn) სამდღიანი რეგიონული კონფერენცია გაიხსნა. ღონისძიებების მასპინძელი „საქართველოს ქრისტიან-დემოკრატიული მოძრაობაა". შეხვედრა პარტიის ლიდერმა გიორგი თარგამაძემ გახსნა.
„ჩვენს სინამდვილეში ესაა პირველი შემთხვევა , როცა ქართული პოლიტიკური პარტია ევროპის ქვეყნებიდან მონათესავე პოლიტიკური ორგანიზაციების ასეთი დონის წარმომადგენლობით დელეგაციას მასპინძლობს. ჩვენთვის ძალიან მნიშვნელოვანია საერთო ევროპული ქრისტიან-დემოკრატიული ოჯახის სრულუფლებიანი წევრობა და იმ ღირებულებებზე მსჯელობა, რაც ჩვენს მოძრაობებს აერთიანებს"-განაცხადა თარგამაძემ კონფერენციის გახსნით სიტყვაში.
კონფერენციის სახელწოდებაა „საქართველო და პოსტსაბჭოთა სივრცე ერთიანი ევროპის კონტექსტში". თბილისში ჰოლანდიიდან, რუმინეთიდან, პოლონეთიდან, დასავლეთ და აღმოსავლეთ ევროპის სულ 11 ქვეყნიდან 24 დელეგატი ჩამოვიდა.
