პარლამენტთან დაკავებული 19 აქტივისტი, რომელიც ცოტა ხნის წინ დააკავეს, ხელწერილის საფუძველზე გათავისუფლდა.
აქტივისტები ადმინისტრაციული კოდექსის 173-ე მუხლით იყვნენ დაკავებულები, რაც პოლიციელის კანონიერი მოთხოვნისადმი დაუმორჩილებლობას გულისხმობს. სულ 20 პირი იყო დაკავებული.
სამოქალაქო აქტივისტები, რომელთა შორის ასევე იყვნენ "ნაციონალური მოძრაობის" აქტივისტებიც, პარლამენტის წინ კარვების დადგმას აპირებდნენ, რისი უფლებაც მათ სამართალდამცველებმა არ მისცეს.
არსებული ინფორმაციით, ცოტა ხნის წინ, პარლამენტთან დააკავეს "ლელოს" 5 წევრიც. მათ შორის არიან საბა ბუაძე და ირაკლი კუპრაძე.