რუსეთი პოლონეთთან გაზის მიწოდებაზე გრძელვადიან ხელშეკრულებას აფორმებს. რუსეთის საგარეო საქმეთა მინისტრი სერგეი ლავროვი პოლონური ვიზიტის ფარგლებში თავის კოლეგას რადოსლავ სიკორსკის შეხვდა. მინისტრებმა ისაუბრეს ორი ქვეყნის ეკონომიკურ ურთიერთობებსა და სმოლენსკის ავიაკატასტროფაზე.
რადოსლავ სიკორსკის განცხადებით, პოლონეთთან ერთად რუსეთიც დაინტერესებულია, რომ ეს ტრაგედია ობიექტურად იქნეს გამოძიებული. ვარშავაში წლის ბოლოს რუსეთის ლიდერიც აპირებს ჩასვლას. 6 დეკემბერს დიმიტრი მედვედევი თავის პოლონელ კოლეგას ბრონისლავ კომოროვსკის შეხვდება.
