აფხაზეთის მთავრობის თავმჯდომარე გიორგი ბარამია აჭარაში იმყოფება, მთავრობის ხელმძღვანელი, დღესვე აფხაზეთის მთავრობის წევრებთან და ადგილობრივ ხელისუფლებასთან ერთად რამდენიმე დევნილთა კომპაქტურ ჩასახლებებს ეწვევა და არსებულ ვითარებას ადგილზე გაეცნობა.
გიორგი ბარამია გუშინ იმერეთში იმყოფებოდა სადაც მთავრობის გასვლითი სხდომა ჩაატარა, სხდომას იმერეთის მხარეში პრეზიდენტის რწმუნებული ლაშა მაქაცარია დაესწრო. სხდომაზე გიორგი ბარამიამ აფხაზეთის მთავრობის წევრებს კონკრეტული დავალებები მისცა და დევნილებთან დაკავშირებული პრობლემების ადგილობრივ უწყებებთან ერთად კოორდინირებული მუშაობა და პრობლემების ადგილზე გადაწყვეტა დაავალა.
გიორგი ბარამია და აფხაზეთის მთავრობის წევრები აჭარის რეგიონში 31 ოქტომბრამდე დარჩებიან და დევნილთა კომპაქტურ ჩასახლებებში არსებულ ვითარებას პირადად გაეცნობიან.
