არაბთა გაერთიანებული საემიროების ავტომატურმა პლანეტთაშორისო სადგურმა Al Amal-მა (იმედი) 500 მლნ კმ გადალახა და მარსის ორბიტაზე წარმატებით გავიდა. იუწყება ქვეყნის კოსმოსური სააგენტო.
მარსისკენ ფრენისას კოსმოსურ აპარატზე ჩართული იყო დამამუხრუჭებელი ძრავები, რომელთა მუშაობაც 27 წუთს გაგრძელდა, რათა შეენელებინა სიჩქარე 121 ათას კმ/სთ-დან 18 ათას კმ/სთ-მდე და შესულიყო გრავიტაციულ ზონაში.
სადგურის გაშვება განხორციელდა 20 ივლისს იაპონიის ტანეგასიმის კოსმოსური ცენტრიდან იაპონური რაკეტა-მატარებლის H-IIA-ს მეშვეობით.
აპარატი, რომელიც მარსის ელიპტურ ორბიტაზე 40 ათასი კმ სიმაღლეზე განთავსდება, განკუთვნილია კლიმატისა და პლანეტის ატმოსფეროს ქვედა ფენების შესასწავლად. ის აღჭურვილია სამი კამერით, რომელიც დააკვირდება მარსის ატმოსფეროს ინფრაწითელი და ულტრაისფერი ხილული დიაპაზონებით.
Al Amal-ი პირველად წარმოაჩენს მარსის ატმოსფეროს სრულ სურათს. მთავარი ამოცანაა, გამოვლინდეს ძალები, რომლებიც მარსის კლიმატს განსაზღვრავენ. მისია დაახლოებით ორი წლის განმავლობაში გაგრძელდება.
საემიროები მეხუთე ქვეყანაა მსოფლიოში, რომლის აპარატმაც მარსამდე მიაღწია.
მისია, რომელიც 200 მლნ დოლარად არის შეფასებული, არაბთა გაერთაინებული საემიროების დაარსებიდან 50 წლისთავს ეძღვნება.
