ესტონეთი გმობს ცხინვალის საოკუპაციო რეჟიმის მიერ ზაზა გახელაძისთვის უკანონო პატიმრობის გახანგრძლივებას.
"ესტონეთი მკაცრად გმობს ცხინვალის საოკუპაციო რეჟიმის გადაწყვეტილებას, 12+ წლით გააგრძელოს საქართველოს მოქალაქის, ზაზა გახელაძის უკანონო პატიმრობა. ადამიანის უფლებათა სასამართლოს გადაწყვეტილებით, რუსეთს ეკისრება პასუხისმგებლობა ადამიანის უფლებების უხეში დარღვევისთვის", - ნათქვამია საგარეო საქმეთა სამინისტროს განცხადებაში.
მანამდე, ცხინვალის საოკუპაციო რეჟიმის გადაწყვეტილება დაგმეს და ზაზა გახელაძის დაუყოვნებლივ გათავისუფლება მოითხოვეს ევროკავშირმა და შეერთებული შტატების საელჩომ.
გუშინ, 5 თებერვალს ოკუპირებულ ცხინვალში დაკავებულ ზაზა გახელაძეს ე.წ. სასამართლომ 12 წელი და 6 თვე მიუსაჯა.
