საქართველოში 30 წლამდე ასაკში, მამაკაცების რიცხვი აღემატება ქალების რაოდენობას, 30 წლის და უფროს ასაკში, პირიქით, - ამის შესახებ ნათქვამია „საქსტატის“ მიერ გამოქვეყნებულ სტატიტიკურ პუბლიკაციაში „ქალი და კაცი საქართველოში.“
პუბლიკაციაში აღნიშნულია, ქვეყნების აბსოლუტურ უმრავლესობაში ჩვეულებრივ, ბიჭი უფრო მეტი იბადება, ვიდრე გოგო.
„იგივე ტენდენცია, წლების მანძილზე, საკმაოდ სტაბილურად არის გამოხატული საქართველოშიც. ახალშობილი ბიჭების წილი 52%-ს შეადგენს. ამრიგად, 30 წლამდე ასაკში, მამაკაცების რიცხვი აღემა-ტება ქალების რაოდენობას. თუმცა 30 წლის და უფროს ასაკში, ქალების რიცხოვნობა სჭარბობს კაცების რიცხოვნობას, ამ უკანასკნელის მაღალი მოკვდაობის გამო“, - წერია პუბლიკაციაში და აღნიშნულია, რომ საერთაშორისო მასშტაბით, კაცებში მოკვდაობის მაღალი მაჩვენებელი გარკვეულწილად ქცევით ხასიათს ატარებს: გენდერული განსხვავება ალკოჰოლის მოხმარებაში, მწეველებში, სარისკო აქტივობებში მონაწილეობაში, ისეთები, როგორიცაა ავტომანქანის მართვა, განსაზღვრავს ქალების სიცოცხლის უფრო მაღალ ხანგრძლივობას კაცებთან შედარებით.
