შეერთებული შტატების დაავადებათა კონტროლის ცენტრმა შესაძლოა, ერთდროულად ორი პირბადის ტარების რეკომენდაცია გასცეს. ამის შესახებ პრეზიდენტ ჯო ბაიდენის მრჩეველმა, ენტონი ფაუჩიმ განაცხადა.
ფაუჩის თქმით, ორი პირბადის ტარება უკეთ დაიცავს ადამიანებს კორნავირუსის ახალი, უფრო სწრაფად გავრცელებადი შტამებისგან.
დაავადებათა კონტროლის ცენტრს აღნიშნულთან დაკავშირებით ოფიციალური კომენტარი ჯერ არ გაუკეთებია.
გასულ დღეებში, ამერიკის მაღალი თანამდებობის პირები, მათ შორის პრეზიდენტი ბაიდენი, კამერების წინ ხშირად ჩნდებოდნენ ერთდროულად ორი პირბადით.
