საქართველოს ენერგეტიკისა და წყალმომარაგების მარეგულირებელმა ეროვნულმა კომისიამ 28 ოქტომბრის სხდომაზე მოქალაქებსა და სს "ენერგო პრო ჯორჯიას შორის" არსებულ დავაზე იმსჯელა. გადაწყვეტილებების მიხედვით, მოქალაქეებს თ. ცუცქირიძესა და ლ. აბაიძეს ჩამოეწერათ კომპანიის მიერ დარიცხული თანხები, ხოლო მოქალაქე ლ. ღვაბერიძეს მოეხსნა უკანონოდ დარიცხული დეპოზიტი.
გარდა ამისა, მიმდინარე სხდომაზე კომისიამ განიხილა 16 კომპანიის დაჯარიმების საკითხი. სახელმწიფო ბიუჯეტის სასარგებლოდ 5000 ლარის ოდენობის ჯარიმის გადახდა დაეკისრათ შემდეგ კომპანიებს: შპს `საქ. საერთ. ენერგ. კორპორაცია~ (თბილსრესი); შპს `მტკვარი ენერგეტიკა~; შპს `საქ. საერთ. ენერგ. კორპორაცია~ (მცირე ჰესები); შპს `ბაკური~ (მაჭახელა ჰესი); ინდ. საწარმო `გოჩა გიუნაშვილი~; შპს `ენერგია 1~ (ბოლდოდაჰესი); შპს `ჟინერი~ (დმანისი ჰესი); შპს `საქ. საერთაშორისო ენერგ. კორპორაცია~; სს `იტერა-საქართველო~; შპს "ყაზტრანსგაზ-თბილისი~; შპს "გაზმშენი~; სს "გორიგაზი~; შპს "ვაკე~; შპს "ვოტრო~; შპს "ნასა+~; სპს იაგანაშვილი-ორველაშვილი.
დაჯარიმების მიზეზი რეგულირების საფასურის გაანგარიშებისათვის საჭირო მონაცემების და ურთიერთშედარების აქტების დროული წარმოუდგენლობა, რეგულირების საფასურის გადაუხდელობა და ასევე, სალიცენზიო პირობების დარღვევაა.
სალიცენზიო პირობების დარღვევისა და დერეგულირებულ სექტორში რეგულირების საფასურის დავალიანებისათვის, ორი სახის - 5000-5000 ლარის ოდენობის ჯარიმის გადახდა დაეკისრა საქართველოს საერთაშორისო ენერგეტიკულ კორპორაციას.
