ქალი, რომელმაც ჩხოროწყუს მეორე საჯაროს სკოლის მოსწავლეები მერიაში ტუალეტის დასასუფთავებლად წაიყვანა, ამბობს, რომ თვითნებურად მოქმედებდა.
მისი მიზანი კი ბავშვებისათვის შრომის სწავლება იყო. აქვე განმარტავს, რომ მოსწავლეებს მერიის ფოიე უნდა დაესუფთავებინათ, თუმცა "თვითონ გადაწყვიტეს და საპირფარეშოს იატაკები ხეხეს".
"შევუთანხმდი სკოლის დირექტორს, ქალბატონ ნონა თოდუას. მშობლებთან დარეკილი იყო. გამოვიყვანე ეს ბავშვები, მოვიყვანე მერიაში, მინდოდა მარცვალი ჩამედო რომ არც ერთი სამუშაო არ არის სათაკილო. ეს იყო ნება ჩემი, რაღაც შინაგანად მოდიოდა. არც აპარატის უფროსმა იცოდა და არც დაცვამ. დაცვაც უხერხულ მდგომარეობაში ცავაყენე. არც ჩვენი ცენტრის დირექტორმა. მინდოდა საჩვენებელი გამკეთებინა, რომ დასაძრახი არ არის. მეტი ფილოსოფია აქ არაფერი არ არის ჩადებული, - ამბობს ეთერ ჯაფარიძე.
