თბილისის შიდსისა და ინფექციური პათლოგიების ეროვნული ცენტრის გენერალური დირექტორის, თენგიზ ცერცვაძის განცხადებით, პრაქტიკა დაადასტურებს, რომ ჩინური ვაქცინა არ გამოდგება ცუდი და ხელწამოსაკრავი. თენგიზ ცერცვაძემ "დღის კურიერის" ეთერში განაცხადა.
მისი თქმით, საქართველოში შემოსატანად განიხილება, Pfierz-ის, Moderna-სა და AstraZeneca-ს ვაქცინები.
"ეს ჩემი პირადი აზრია და ვნახავთ, პრაქტიკა დაადასტურებს, რომ ჩინური ვაქცინა ეფექტურობით არ გამოდგება ცუდი და ხელწამოსაკრავი, მაგრამ ვინაიდან ჩვენთან სიტყვა "ჩინური" არ ასოცირდება მაღალ სანდოობასთან და რომ არ გავაღრმავოთ და არ მივცეთ მოსახლეობის სკეპტიკურ ნაწილს საბაბი, რომ უარი თქვან ვაქცინაზე, იმიტომ რომ ჩინურია, ამიტომ ჩვენმა მთავრობამ გადაწყვიტა და არაერთგზის განაცხადა, რომ შემოიტანს მხოლოდ იმ ვაქცინებს, რომელიც სერთიფიცირებული იქნება ჯანმოს მიერ.
ჯერჯერობით ჩინური ვაქცინა არაა სერთიფიცირებული ჯანმოს მიერ და მას ვერ შემოიტანენ, თუმცა ამას ხელი არ შეუშლია ჩინური ვაქცინისთვის, რომ ის ეყიდა თურქეთს, აზერბაიჯანს, ბრაზილიას, არაბთა გაერთიანებულ ემირატებს. ერდოღანმა მსოფლიოს ერთ-ერთმა ძლიერმა და შეძლებულმა ფიგურამ ღია ეთერში აიცრა ჩინური ვაქცინით," - განაცხადა თენგიზ ცერცვაძემ.
