ყვარლის მუნიციპალიტეტის სოფელ შილდაში ავარიას ქვეითად მოსიარულე ემსხვერპლა. ინციდენტის დროს ახლგაზრდა კაცი ადგილზე გარდაიცვალა.
ადგილობრივების თქმით, ქვეითად მოსიარულე გზის გადაკვეთას ცდილობდა, რა დროსაც მას მსუბუქი ავტომანქანა დაეჯახა. მანქანის მძღოლი შემთხვევის ადგილიდან მიიმალა, თუმცა ის პოლიციამ ჩატარებული ღონისძიებების შედეგად მალევე დააკავა.
მომხდარზე გამოძიება ტრანსპორტის მოძრაობის ან ექსპლუატაციის წესის დარღვევის მუხლით დაიწყო.
