მთავრობა ფიტნეს ცენტრებს სესხის პროცენტს დაუსუბსიდირებს. აღნიშნულის შესახებ განცხადებას ეკონომიკისა და მდგრადი განვითარების მინისტრი ნათია თურნავა აკეთებს.
თურნავას თქმით, საბოლოო გადაწყვეტილება მთავრობის სხდომაზე იქნება მიღებული.
"ვინაიდან ეს არაა ინდუსტრია, რომელიც თებერვალში იხსნება, ჯერჯერობით არ გვაქვს ეს გეგმაში, მაგრამ სამაგიეროდ მათ ავსახავთ პროგრამა „აწარმოე საქართველოში“ და დავეხმარებით მათ შორის, სესხის პროცენტის სუბსიდირებაში. ეს გადაწყვეტილება მომზადებულია და უახლოესი მთავრობის სხდომაზე დამტკიცდება“,- განაცხადა მინისტრმა.