ბარენცის ზღვაში თევზსაჭერი გემი "ონეგა" ჩაიძირა. ბორტზე 19 ადამიანი იმყოფებოდა.
გემი ახალი მიწის არქიპელაგის სიახლოვეს ჩაიძირა.
რუსული მედიის ინფორმაციით, "ონეგასთან" ახლოს მყოფმა სხვა გემის ეკიპაჟმა ორი მეზღვაურის გადარჩენა მოახერხა.
რუსეთის საგანგებო სიტუაციების სამინისტროს ინფორმაციით, ეკიპაჟის ერთი წევრი გარდაცვლილი იპოვეს. მიმდინარეობს 16 ადამიანის ძებნის ოპერაცია.
იუწყებიან, რომ ძლიერი ქარიშხლისა და ყინვის გამო, შესაძლოა ეკიპაჟის დაკარგული წევრების უმეტესობის პოვნა ვერ მოხერხდება.
ეკიპაჟის გადარჩენილი წევრები იხსენებენ, რომ ძლიერი ყინვის გამო გემბანი მთლიანად მოიყინა და მას წმენდნენ, როდესაც ძლიერი ქარიშხალი ამოვარდა.
გემი რუსეთში დარეგისტრირებულ ერთ-ერთ კერძო კომპანიას ეკუთვნის.