დიდ ბრიტანეთში კორონავირუსის ახალი სახეობა აღმოაჩინეს. ამის შესახებ ბრიტანეთს ჯანდაცვის საკითხთა მდივანმა მეთ ჰენკოკმა თემთა პალატის წინაშე სიტყვით გამოსვლისას განაცხადა.
ჰენკოკის განცხადებით, სულ მცირე 60-მა ადგილობრივმა ხელისუფლებამ დაადასტურა კორონავირუსის ახალი სახეობის შედეგად გამოწვეული ინფექციის არსებობა.
მისივე თქმით, ბრიტანეთმა ვირუსის ახალი სახეობის შესახებ ჯანმრთელობის მსოფლიო ორგანიზაციას უკვე აცნობა. ამჟამად, ბრიტანელი მეცნიერები დეტალურად იკვლევენ ახალ სახეობას.
წინასწარი მონაცემებით, ამ ტიპის ინფექცია უფრო სწრაფად ვრცელდება, ვიდრე აქამდე არსებული.
როგორც ჰენკოკმა აღნიშნა, ამ დროისთვის ახალი სახეობის აღმოჩენა არ ნიშნავს იმას, რომ კორონავირუსის ახალი სახეობა უფრო მწვავე დაავადებას იწვევს, ან ვაქცინა აღარ იმუშავებს.
