რუსეთისა და ნატოს მომავალი ურთიერთობები დამოკიდებული იქნება იმაზე თუ ალიანსის ახალი სტრატეგიული კონცეფცია რამდენად იქნება შესაბამისობაში მოყვანილი საერთაშორისო ნორმებთან და გაეროს წესდებასთან. ეს განცხადება რუსეთის საგარეო საქმეთა მინისტრმა სერგეი ლავროვმა გააკეთა.
მისივე თქმით, რუსეთს ესმის ნატოს როლი ისეთი საერთაშორისო დონის საკითხების გადაწყვეტაში როგორიც არის ტერორიზმი.
"ჩვენი და ნატოს ურთიერთობებისათვის დიდი მნიშვნელობა ექნება იას, თუ რა სახეს მიიღებს ჩრდილოატლანტიკური ალიანსის ახალი კონცეფცია - მისი დამუშავება მალე დასრულდება. ჩვენთვის ამ კონცეფციაში გადამწყვეტი როლი ექნება იმას, თუ როგორ იქნება მასში ჩამოყალიბებული ნატოს მიდგომა საერთაშორისო სამართლის მიმართ, გაეროს წესდების მიმართ, უპირველეს ყოვლისა იმ საკითხში, რომელიც ეხება თანამედროვე საერთაშორისო ურთიერთობებში ძალის გამოყენების შესაძლებლობას", _ აცხადებს ლავროვი.
მისივე თქმით, ამასთან ერთად, ევროატლანტიკის ყველა ქვეყანას უნდა ჰქონდეს უსაფრთხოების ერთნაირი იურიდიული გარანტიები.
