გაერთიანებული სამეფოს დედოფალი ელისაბედ მეორე და მისი მეუღლე ედინბურგის ჰერცოგი, პრინცი ფილიპი შობას უინძორის სასახლეში შეხვდებიან, რაც ბრიტანეთის სამეფო ოჯახის ტრადიციებისთვის უჩვეულოა.
ბრიტანეთის სამეფო ოჯახი მრავალი ათეული წელია შობას ნორფოლკის საგრაფოში, სანდრინგემის მამულში ატარებს.
ბუკინგემის სასახლის პრესსპიკერის განცხადებით, სამეფო ოჯახმა ეს გადაწყვეტილება პანდემიის გამო მიიღო.
პანდემიის განმავლობაში, 94 წლის დედოფალი და 99 წლის პრინცი უინძორის სასახლეში, მცირერიცხოვან პერსონალთან ერთად ცხოვრობენ.
BBC-ის ინფორმაციით, 1980-იანი წლების შუა პერიოდის შემდეგ, პირველი შემთხვევაა, როდესაც სამეფო ოჯახი შობას სანდრინგემში არ შეხვდება.
"ისევე როგორც ყველა, სამეფო ოჯახის იმედოვნებს, რომ 2021 წელს ცხოვრება ჩვეულ რეჟიმს დაუბრუნდება", - განაცხადა ბუკინგემის პრესსპიკერმა.
გავრცელებული ცნობით, დედოფალი ელისაბედი საშობაო ღვთისმსახურებასაც არ დაესწრება.
ფოტო: Chris Jackson/Getty images
