ანტიკრიზისული პაკეტის ფარგლებში, საქართველოს მთავრობის გეგმასთან ერთად აჭარაში ამოქმედდება კონკრეტული ღონისძიებები, რომელიც მიზნად ისახავს მოქალაქეების, თვითდასაქმებულების, ბიზნესის მხარდაჭერას:
▪ 7 000-ზე მეტ სოციალურად მოწყვლად ოჯახს ახალ წლამდე გადაეცემა სასურსათო უზრუნველყოფის კალათები და მედიკამენტები
▪ ე. წ. ხოფის ბაზრობის მოიჯარეები დამატებით 3 თვით გათავისუფლდებიან საიჯარო გადასახადისგან
▪ ყველა მოიჯარე, რომელსაც მიმდინარე ხელშეკრულებები გააჩნია აჭარის ფინანსთა და ეკონომიკის სამინისტროსთან, საქვეუწყებო დაწესებულებებთან დამატებით 3 თვით გათავისუფლდებიან იჯარისგან.
▪ ციტრუსის ექსპორტიორები გათავისუფლდებიან ე.წ. წარმოშობის, ხარისხის სერთიფიკატის მოსაკრებლისგან
▪ ბათუმის რესპუბლიკურ საავადმყოფოს დამატებით დიალიზის 14 აპარატი, ასევე შესაბამისი ჟანგბადის დანადგარები შეემატა
▪ აჭარის ჯანდაცვის და ფინანსთა სამინისტროს დაევალა კოვიდის მართვაში ჩართული მედპერსონალის წახალისება და მათი მატერიალური უზრუნველყოფა
