დღეს, 26 ოქტომბერს, "საქართველოს მეწარმეთა კონფედერაციის" ორგანიზებით თბილისში გამართული ბიზნესფორუმი დასრულდება. ბიზნესფორუმს შავი და კასპიის ზღვის ქვეყნების ბიზნესასოციაციების და კერძო კომპანიების წარმომადგენლები ესწრებიან.
"საქართველოს მეწარმეთა კონფედერაცია" შავი და კასპიის ზღვის ბიზნესასოციაციების კავშირის (UBCCE) სრულუფლებიანი წევრია.
"საქართველოს მეწარმეთა კონფედერაცია" 2008 წელს დაარსდა. მისი მიზანია წევრი კომპანიების მსოფლიო და ადგილობრივი ბაზრის დინამიკურობის შესაბამისად განვითარება, ადგილობრივი და სართაშორისო ინვესტორებთან კონტაქტების დამყარება და თანამედროვე მოთხოვნების გათვალისწინებით ეფექტური ბიზნესპროექტების განხორციელების ხელშეწყობა. კონფედერაციის პარტნიორები არიან საქართველოს ბაზრის შესწავლით დაინტერესებული საერთაშორისო და უცხოური კომპანიები, რომელთაც სჭირდებათ მუდმივად განახლებადი ინფორმაცია და რეალური კონტაქტები. საქართველოს მეწარმეთა კონფედერაციის სტრატეგიულ მიზანს ქვეყნის ეკონომიკური განვითარების ხელშეწყობა, დასაქმების დონის ამაღლება და ბიზნესისათვის ხელსაყრელი გარემოს შექმნისთვის ხელის შეწყობა წარმოადგენს.
