ჯანმრთელობის მსოფლიო ორგანიზაცია Covid-19-ის სამკურნალოდ რემდესივირის გამოყენების წინააღმდეგია. შესაბამის განცხადება ორგანიზაციის ვებგვერდზე გამოქვეყნდა.
განცხადების თანახმად, COVID-19 დაავადებული პაციენტების მკურნალობის დროს, დაავადების სირთულის მიუხედავად, რემდესივირის გამოყენება არ უნდა მოხდეს.
ჯანმრთელობის მსოფლიო ორგანიზაციის განცხადებით, არ არსებობს მტკიცებულება იმის შესახებ, რომ ეს წამალი ხელს უწყობს კორონავირუსთან ეფექტურ ბრძოლას.
თავის მხრივ ჯანმო-ს მიერ გამოქვეყნებული ეს რეკომენდაცია ემყარება სამედიცინო ექსპერტთა საერთაშორისო ჯგუფის დასკვნებს, რომლებმაც გაანალიზეს რემდესივირის ოთხი კვლევის შედეგები, რომელშიც 7 ათასზე მეტმა პაციენტმა მიიღო მონაწილეობა.
შედეგებმა აჩვენა, რომ რემდისვირს არ აქვს "მნიშვნელოვანი გავლენა" კორონავირუსით სიკვდილიანობის შემცირებაზე. ის არ ამცირებს მექანიკური ვენტილაციის საჭიროებას და არ აუმჯობესებს სხვა მნიშვნელოვან სამედიცინო კრიტერიუმებს.
ექსპერტთა საერთაშორისო ჯგუფმა დაასკვნა, რომ საჭიროა მეტი გამოკვლევა რემედისვირის ეფექტურობაზე კორონავირუსის მკურნალობაში.
ფოტო: EPA
