სომხეთის საგარეო საქმეთა მინისტრმა ზოჰრაბ მნაცაკანიანმა თანამდებობიდან გადაყენების თხოვნით მიმართა სომხეთის პრემიერ-მინისტრ ნიკოლ ფაშინიანს.
მნაცაკანიანის განცხადება საგარეო საქმეთა სამინისტროს პრესსპიკერმა ანა ნაგდალიანმა სოციალურ ქსელში გაავრცელა.
ამ ფაქტს წინ უსწრებდა ნიკოლ ფაშინიანის განცხადება იმასთან დაკავშირებით, რომ მან გადაწყვიტა მნაცაკანიანის გადაყენება.
"მე მივიღე გადაწყვეტილება სომხეთის საგარეო საქმეთა მინისტრის გათავისუფლების შესახებ", - თქვა ფაშინიანმა პარლამენტში დეპუტატების შეკითხვების საპასუხოდ.
ამას გარდა, დღეს სომხეთის საგარეო საქმეთა სამინისტრომ უარყო ფაშინიანის განცხადება იმის შესახებ, რომ სომხურმა მხარემ დააყენა საკითხი მთიანი ყარაბაღის ქალაქ შუშაზე უარის თქმის შესახებ.
"მოლაპარაკებების არცერთ ეტაპზე, შუშის დათმობის საკითხი არ განხილულა", - დაწერა საგარეო საქმეთა სამინისტროს პრესსპიკერმა ნაღდალიანმა.
ორშაბათს, სომხეთის არაერთ მედიასთან ინტერვიუში, პრემიერ-მინისტრმა თქვა, რომ მთიან ყარაბაღზე მოლაპარაკებებში ყარაბაღის მრავალი რეგიონის, მათ შორის შუშის, აზერბაიჯანისთვის გადაცემის საკითხი დაისვა.
