რომის პაპი ფრანცისკე რომში მცხოვრებ ღარიბ და უსახლკარო მოქალაქეებს კორონავირუსის ტესტის უფასოდ ჩატარებას სთავაზობს. ამის შესახებ ნათქვამია ვატიკანის მიერ გავრცელებულ პრესკომუნიკეში.
უფასო ტესტირება ვატიკანში, წმინდა პეტრეს მოედანზე არსებულ კლინიკაში ჩატარდება. კლინიკა რამდენიმე წლის წინ რომის პაპმა დაარსა და ის უზრუნველყოფს ღარიბი მოსახლეობისთვის ძირითადი სამედიცინო დახმარების გაწევას.
მედიასთან საუბრისას არქიეპისკოპოსმა რინო ფიზიკელამ განაცხადა, რომ კლინიკა დღეში 50 ტესტის ჩატარებას შეძლებს.
პირებს, რომელთაც კორონავირუსი დაუდასტურდებათ, შემდგომი მკურნალობისკენ გადაამისამართებენ.
გუშინდელი მონაცემებით, იტალიაში კორონავირუსით ინფიცირების რაოდენობამ მილიონს გადააჭარბა და ვირუსით ყველაზე მეტად დაზარალაბულ ქვეყნების ათეულში გადაინაცვლა.
ფოტო: Reuters