გერმანიის კანცლერის ანგელა მერკელის თქმით, კორონავირუსის მეორე ტალღა ბევრად უფრო მკაცრი იქნება, ვიდრე პირველი ტალღა იყო. ამის შესახებ კანცლერმა მთავრობის ეკონომიკურ მრჩეველთა საბჭოსთან ვიდეოკონფერენციის დროს განაცხადა.
მისი განცხადებით, მიუხედავად ბოლოდროინდელი პოზიტიური სიახლებისა, მაგალითად, ვაქცინის შემუშავებაში პროგრესი, კორონავირუსის კრიზისი კვლავ მწვავე რჩება და პანდემიის წინააღმდეგ დაწესებული ზომები ზამთარშიც უნდა დარჩეს ძალაში.
"ისევე როგორც ესპანური გრიპის შემთხვევაში იყო, ველით, რომ კორონავირუსის მეორე ტალღა ბევრად უფრო მკაცრი იქნება", - თქვა მერკელმა.
ამ დროისთვის მსოფლიოში კორონავირუსით ინფიცირების 51 718 344 შემთხვევაა აღრიცხული. გარდაცვლილი 1 276 527 ადამიანი.