უნგრეთის მთავრობამ მოამზადა კონსტიტუციურ ცვლილებათა კანონპროექტი, რომლითაც ქვეყანაში ერთნაირსქესიანთა წყვილებისთვის შვილის აყვანა აიკრძალება.
წარმოდგენილი კანონპროექტით ცვლილებები შევა კონსტიტუციაში, დაზუსტდება არსებული ჩანაწერი და შემდეგნაირად განისაზღვრება, რომ "დედა არის ქალი, ხოლო მამა არის კაცი".
ბავშვის აყვანის უფლება მხოლოდ დაქორწინებულ წყვილებისთვის იქნება ნებადართული.
უნგრეთში ერთნაირსქესიანთა ქორწინება არ არის ნებადართული, მაგრამ შვილად აყვანა შესაძლებელი იყო, თუ ერთ-ერთი პარტნიორი, მეორისგან დამოუკიდებლად, მოითხოვდა ბავშვის შვილად აყვანას.
კანონმდებლობის პროექტი დაგმეს ადამიანის უფლებადამცველებმა.
საკანონმდებლო პროექტი მმართველმა პარტია Fidesz-მა, პრემიერ-მინისტრ ვიქტორ ორბანის მეთაურობით უკვე გადაუგზავნა უნგრეთის პარლამენტს.
საკონსტიტუციო კანონპროექტში ასევე აღნიშნულია, რომ ბავშვები გენდერული როლის ქრისტიანული ინტერპრეტაციით უნდა აღიზარდონ.
ამავე შესწორებაში აღნიშნულია, რომ მარტოხელა პირებს ბავშვის შვილად აყვანა შეეძლებათ საოჯახო საკითხთა მინისტრის სპეციალური ნებართვით.
უნგრეთის კონსტიტუციაში ქორწინება განსაზღვრულია, როგორც "კავშირი ქალსა და მამაკაცს შორის", როგორც "ოჯახისა და ეროვნული იდენტობის გადარჩენისთვის ფუნდამენტური ღირებულება".
ლგბტქ უფლებების დამცველები აცხადებენ, რომ კონსტიტუციაში ცვლილებებისთვის საგანგებოდ შეირჩა ეს დრო, რადგან კორონავირუსის პანდემის გამო მასობრივი საპროტესტო აქციები აკრძალულია.
ფოტო: Reuters