თურქეთის პრეზიდენტმა რეჯებ ტაიპ ერდოღანმა შეერთებული შტატების არჩეულ პრეზიდენტს ჯო ბაიდენს საპრეზიდენტო არჩევნებში გამარჯვება მიულოცა. მილოცვის ტექსტი თურქეთის პრეზიდენტის ოფიციალურ ვებგვერდზე გამოქვეყნდა.
ერდოღანის განცხადებით, შეერთებულ შტატებსა და თურქეთს შორის არსებული სტრატეგიული ურთიერთობები საერთო ინტერესებიდან გამომდინარე კიდევ უფრო მეტად უნდა განმტკიცდეს.
ერდოღანმა კიდევ ერთხელ გაუსვა ხაზი ანკარის "მზაობას მჭიდროდ ითანამშრომლოს აშშ-ის მომავალ ადმინისტრაციასთან" და დასძინა, რომ "ორ ქვეყანას შორის ძლიერი თანამშრომლობა და ალიანსი ხელს შეუწყობს მსოფლიო მშვიდობის განვითარებას".
აშშ-სა და თურქეთს შორის ურთიერთობა ბოლო დროს რამდენიმე მნიშვნელოვან საკითხთან დაკავშირებით გამწვავდა, მათ შორის სირიის კრიზისი და რუსეთთან ანკარის სამხედრო თანამშრომლობა.
ფოტო: AFP
