შეერთებული შტატების პრეზიდენტმა დონალდ ტრამპმა თავდაცვის მდივანი მარკ ესპერი თანამდებობიდან გადააყენა. ამის შესახებ ტრამპმა მიკრობლოგ "ტვიტერზე" გამოაცხადა.
მისი თქმით, თავდაცვის მდივნის მოვალეობის შემსრულებლად აშშ-ის ეროვნული ანტიტერორისტული ცენტრის დირექტორი კრისტოფერ მილერი დანიშნა.
"მოხარული ვარ განვაცხადო, რომ კრისტოფერ მილერი, ეროვნული ანტიტერორისტული ცენტრის დირექტორი უაღრესად პატივცემული დირექტორი (სენატის მიერ ერთხმად დამტკიცებული), თავდაცვის დროებითი მდივანი იქნება და გადაწყვეტილება დაუყოვნებლივ შევა ძალაში", - დაწერა ტრამპმა ტვიტერზე.
დონალდ ტრამპმა გაწეული სამუშაოსთვის მადლობა გადაუხადა თავდაცვის აწ უკვე ყოფილ მდივანს.
სააგენტო Reuters-ი ჯერ კიდევ აგვისტოს თვეში იუწყებოდა დონალდ ტრამპის ამ განზრახვის შესახებ. გავრცელებული ინფორმაციით, დახურულ კარს მიღმა, მარკ ესპერი ეწინააღმდეგებოდა ტრამპის ზოგიერთ გადაწყვეტილებას.
