დანიის ხელისუფლებამ მიიღო გადაწყვეტილება 17 მილიონამდე წაულის დახოცვის შესახებ, მას შემდეგ, რაც მიიღეს სარწმუნო ინფორმაცია იმის შესახებ, რომ ცხოველთა ამ სახობებში კორონავირუსმა მუტაცია განიცადა.
იწყებიან, რომ ვირუსი, რომელიც მუტაციას განიცდის წაულებში, შესაძლოა მათგან ადამიანებზეც გავრცელდეს და შეამციროს ანტისხეულების გამომუშავების უნარი.
ეს უნარი კი თავის მხრივ სერიოზულ საფრთხეს წარმოადგენს კორონავირუსის ვაქცინის შექმნის პროცესისთვის.
დანიის პრემიერ-მინისტრმა მეტე ფრედერიკსენმა თქვა, რომ მუტირებული ვირუსი Covid-19-ის პოტენციური ვაქცინის "ეფექტურობის საშიშროებას" წარმოადგენს.
ფრედერიკსენმა დასძინა, რომ სიტუაცია "ძალიან, ძალიან სერიოზულია".
"ჩვენ დიდი პასუხისმგებლობა გვეკისრება საკუთარი მოსახლეობის წინაშე, მაგრამ ახლა უკვე ახლადაღმოჩენილი მუტაციით, ჩვენ კიდევ უფრო დიდი პასუხისმგებლობა გვაქვს დანარჩენი მსოფლიოს წინაშეც", - თქვა მან პრესკონფერენციაზე.
ხელისუფლების ინფორმაციით, ვირუსის მუტირებული შტამპი ჩრდილოეთ იუტლანდიაში 12 ადამიანს გამოუვლინდა.
დანიის პოლიციის განცხადებით, ცხოველთა განადგურება რაც შეიძლება მალე უნდა მოხდეს.
მიმდინარეობს კვლევები იმის გასარკვევად, თუ როგორ მოხდა წაულებში ვირუსის მუტაცია და ახალი შტამის ფორმირება.
დანია წაულის ბეწვის უდიდესი მწარმოებელია მსოფლიოში.
