ბათუმის ბულვარს ახალი ქანდაკებები შეემატა. ნეო-კლასიკური სტილის ქალის სკულპტურები წელიწადის ოთხ დროს განასახიერებენ.
ქანდაკებები ძველ ბულვარში, თავდადებულის ქუჩის გასწვრივ მდებარე სკვერში, შადრევნის ირგვლივ განთავსდა.
ახალ ქანდაკებებთან ერთად სკვერი კლასიკური მუსიკით გახმოვანდა. საღამოს საათებში მოსასვენებლად მისულ ვიზიტრებს შადრევნის წყლის დამამშვიდებელ ხმასთან ერთად ვივალდის ოთხი დროის მოსმენა შეეძლება.
საზღვაო ბაღის ღია სივრცეში ქანდაკებები ისტორიულად ბულვარისთვის დამახასიათებელი ფენომენი იყო. სწორედ მათი ფუნქციური დანიშნულებიდან გამომდინარე, ქალაქ ბათუმის მერიამ მიიღო გადაწყვეტილება და "ოთხი დროს" ამსახველი სკულტურები დღეს უკვე ბათუმის ბულვარს ამშვენებს.
