ამერიკელი მოცურავე, აშშ-ის ეროვნული ნაკრების წევრი, 26 წლის ფრენ კრიპენი ასპარეზობის დროს დაიღუპა.
ფრენ კრიპენი გაერთიანებულ ემირატებში მინდინარე მსოფლიო თასზე 10 კმ-ის გაცურვაში მონაწილეობდა.
როგორც თვითმხილველები აცხადებენ, სპორტსმენმა ასპარეზობის დაწყებამდეც და 8 კმ-ის გაცურვის შემდეგაც მწვრთნელს განუცხადა, რომ თავს ცუდად გრძნობდა. თუმცა, მან ასპარეზობა გააგრძელა, მაგრამ ფინიშამდე მიღწევა ვერ შესძლო.
ფრენ კრიპენის ცხედარი შეჯიბრის დასრულებიდან 2 საათის მერე იპოვეს.
ფრენ კრიპენმა 2009 წელს რომში გამართულ მსოფლიო ჩემპიონატზე 10 კმ. დისტანციაზე ცურვაში ბრინჯაოს მედალი მოიპოვა. მიმდინარე წელს კი კანადაში გამართულ მსოფლიო ჩემპიონატზე 5 კმ დისტანციაზე იგი ასევე მესამე პრიზიორი გახდა.
გავრცელებული ინფორმაციით, ასპარეზობაში მონაწილე სპორტსმენები უკმაყოფილებას გამოთქავამდნენ წყლის მაღალი ტემპერატურეს გამო, რომელიც + 30 გრადუსს აღწევს. რამდენიმე მათგანმა თავი შეუძლოდ იგრძნო. ხოლო ორი ამერიკელი და ერთი ბრაზილიელი სპორტსმენი ჰოსპიტალიზირებულ იქნა.
ცურვის საერთაშორისო ფედერაციის მონაცემებით, სპორტსმენის გარდაცვალების ფაქტი ამ ორგანიზაციის არსებობის განმავლობაში პირველად მოხდა.
ამჟამად ფედერაცია განიხილავს საკითხს 15 კმ-იანი გაცურვის გაუქმების შესახებ, როელიც ოთხსაბათს უნდა გაიმართოს.