ბელარუსის პრეზიდენტი ალიაქსანდრ ლუკაშენკა მოითხოვს, უმაღლესი სასწავლებლებიდან გაირიცხონ ის სტუდენტები, რომლებიც არასანქცირებულ საპროტესტო აქციებში მონაწილეობენ.
"სტუდენტები მოვიდნენ იმისთვის, რომ ცოდნა შეიძინონ, დაე, ისწავლონ! დაე, ისწავლოს იმან ვისაც მართლა უნდა სწავლა. ისინი კი ვინც გამოვლენ კანონის დარღვევით, უნებართვო აქციებით ქუჩებში, დაკარგავენ სტუდენტის სტატუსს.
გთხოვთ, როგორც უკვე აღვნიშნე ამ სტუდენტების ნაწილის - ქუჩაში, ნაწილისას კი ჯარში გაგზავნას. დაე, იარონ ქუჩებში, ოღონდ ისინი გამოეთხოვებიან სტუდენტობას", - განაცხადა ლუკაშენკომ.
ლუკაშენკას აზრით, იგივე ზომები უნდა იქნას მიღებული ოპოზიციურად განწყობილი უნივერსიტეტის პროფესორებთან მიმართებაში.
ლუკაშენკამ ასევე მიმართა სკოლის მოსწავლეებისა და სტუდენტების მშობლებს თხოვნით, რომ "შვილები მოაშორონ ქუჩიდან", რათა "შემდეგ მათ არ ავნოს".
"დანარჩენებს კი კანონის შესაბამისად გავუმკლავდებით", - დასძინა ლუკაშენკამ.