22 წლის ამერიკელს, რომელიც აშშ-ს პრეზიდენტზე ბარაკ ობამაზე თავდასხმას მისი ლიკვიდაციის მიზნით გეგმავდა 14 წლით თავისუფლების აღკვეთა მიესაჯა.
აშშ-ს ტენესის შტატის სასამართლომ 22 წლის დანიელ კოვარტს 14 წლით თავისუფლების აღკვეთა მიუსაჯა, იმის გამო, რომ მან მიმდინარე წლის მარტში აღიარა, რომ მონაწილეობდა შეთქმულებაში, რომელიც აშშ-ს პრეზიდენტის ბარაკ ობამასა და კიდევ 100-ზე მეტი შავკანიანი ამერიკელის განადგურებას ისახავდა მიზნად. ინფორმაციას ამის შესახებ "ასოშიეითედ პრესი" ავრცელებს.
ახალგაზრდა მამაკაცმა თავისი განზრახვის გამო, სასამართლოს მსვლელობის დროს შავკანიან ამერიკელებს ბოდიში მოუხადა.
მის თანამზრახველს პოლ Dშლესელმანს სასამართლომ მიმდინარე წლის აპრილში 10 წლით თავისუფლების აღკვეთა მიუსაჯა.
შლესელმანი და კოვარტი სამართალდამცავებმა 2008 წლის ოქტომბერში დააკავეს. მათი ჩვენების თანახმად ისინი გეგმავდნენ მიახლოებოდნენ ბარაკ ობამას ავტომობილს, რომელიც მაშინ სენატორი იყო და ცეცხლი ავტომობილის ფანჯრებიდან გაეხსნათ.
