ბელარუსის ოპოზიციის ლიდერმა და ყოფილმა საპრეზიდენტო კანდიდატმა, სვიატლანა ციხანოვსკაიამ ორშაბათიდან ბელარუსში "საერთო-სახალხო" გაფიცვა გამოაცხადა.
"ხვალ, 26 ოქტომბერს, ქვეყნის მასშტაბით საერთო-სახალხო გაიფიცება დაიწყება. ბელარუსის მოქალაქეები ამ ნაბიჯს გადადგამენ, რადგან მათი სიტყვა კანონია", - დაწერა ციხანოვსკაიამ თავის Telegram-ის არხზე დღეს, 25 ოქტომბერს.
შეგახსენებთ, სვიატლანა ციხანოვსკაიამ ბელარუსის მოქმედ პრეზიდენტს, ალიაქსანდრ ლუკაშენკოს გადადგომის მოთხოვნით ულტიმატუმი 13 ოქტომბერს წაუყენა. ულტიმატუმის ვადა დღეს ამოიწურა.
ციხანოვსკაია აცხადებდა, რომ ლუკაშენკა 25 ოქტომბრამდე უნდა გადამდგარიყო, წინააღმდეგ შემთხვევაში ქვეყანაში ეროვნული გაფიცვა დაიწყებოდა.